Rejoignez-Nous, Textes En folie WhatsApp +509 4040 68 40.
Yon Lòsyè lanmou
Kòman m ta fè bliye
Jou w te pati kite m nan
M sonje w t ap sot vote
M pa sonje depi kilè
Eleksyon fèt nan peyi isit
Ou t ap batay ak mwen pou bannann
Ou te di m vote pou chanje lavi
Men m te konprann kòb nan pòch
Ak manje nan asyèt pèp la
Se te pi bon fason pou n viv byen
Men w te wè pi lwen pase vèy
Ou te gentan wè antèman
Ou menm wè douvan bawon
M konn san w fin sèch pou mwen
Men gade pou wè
Yon losyè lanmou sifi
Chak powèm s on kri
Yon kri anba ti vant
Yon kri san cham
Si m pa t nan sal dwèt
Kounya m pa t ap nan dòmi san soupe
Manitèz yon lòsyè lanmou sifi
M pa anvi w pran m pou mekreyan
Pou sanginè
Se pa blag non
Jou PHTK sot nan bouch mwen
L ap gen yon Aba devan l
Chak moun ki konsyan
Ap di w tounen ak mwen
M pa gen pati politik
ann fè youn ansanm
M pa yon tòg k ap plenyen
M son kè brize
M se pòtre moun
yo bat nan kanaval
S on leson w t ap banm
M kwè w ap tounen
Yon losyè lanmou sifi
Viciere Guillol
