Rejoignez-Nous, Textes En folie WhatsApp +509 4040 68 40.

LWIL AK VINÈG

Pwonmennen bò lanmè
Pye atè ap fè konesans
Ak sab cho.
Vag lanmè ap fè ale vini,
Y ap tòde bouch yo sou pechè
K ap bouske degouden.
Nawè m kwaze sou chimen l
Yon nègès ki pèdi sou wout li
K ap bouske direksyon.
San rann kont kè m
pran bat fò,
Souf mwen wo

Kò m ap grate m
Solèy la koumanse twò Cho sou po m.
Sila yo ki tap swiv
Pa sispann pase m nan rizib.
Se te premye fwa m te wè yon zanj
Li pwoche pi li di m
_ Souple ou ka sèvi m bousòl ?
M pantan m di li
_ Plètil ou pale ak mwen?
Li ri m pi li di m ankò
_Souple ou ka sèvi m bousòl ?
Kè m bat pi fò toujou,
M swaf
Souf mwen prèt pou sispann
M grate tèt mwen,
M grate gòj mwen,
M pase men nan de nawè m
Pi m di l ak yon vwa tou tranble
_Bèl marabou , kibò ou prale ?
Li reponn mwen san mamote
_M bezwen yon kè
Pou m fè ladesant
Vag lanmè yo ale ak tout souvni m,
M vle kreye lòt
M vle an sekirite
M vle w kondi m
Ou konnen yon kote m ka lagè ké m, m bouke.
M gade l, se wè pou w ta wè kalte vivan k ap drese m lapawòl la
Vivan an bèl, li gen yon koulè kayimit ki poko fin byen mi, dan li yo blan kou lacho
kap tann mwa desanm, tèt bouda l anpeche papa Bondye ret sou twòn li pi m di l
_ Mwen gen yon kote ou ka fon ti kouche men l frajil, si w lage tout kò w l ap tonbe sou ou, li pa gen bon baz.
M pran men l, m di l swiv mwen

M mennen l nan ti kounouk m pare lapli la.
Lè n rive m fè l rantre, li gade m li pran pase m nan rizib epi li di m
_ M pa bezwen yon kote pou m pare lapli lè gen tanpèt ,
m bezwen kanalize rivyè lanmou sa Kap anvayi lespri m ,
M pa bezwen moun k ap kite tout ti wòch fè l kilbite men kap ranmase tout pou n vanse.
M pa bezwen lòt bagay nan men w
M bezwen sèlman lanmou w
Mwen konnen renmen, lanmou m gra kou lwil ou pa bezwen pè m pap janm fè w di tò.
M fikse l ak anpil lapèn
M fè yon gwo soupi
Pi m di l
_ M pa sa ede w marabou kreyòl, bèl kreyati kou wè w se danje n ye.
Jan l gade m, chagren anvayi kè m.
Li koumanse rakonte m yon bann listwa li di m
_ Fè kichòy pou mwen
Lanmè an pa ale ak tout souvni m yo vre, genyen ki pap janm ale se sikatris yo ye, se sèl lòt kap fè yo disparèt tout bon.

M kenbe de men l pi mwen di l
_M pa konn renmen, mwen son panyen pèse, m ap fè w di tò kanmenm
Lanmou w gra kou lwil kinanm pike kou vinèg, ale fè wout ou marabou kreyòl
Avèk dlo nan je li di m
_Ou mèt renmen m,
Ou mèt blese m,
Ou mèt sere m,
Depi w ede m bliye sila ki kite sikatris sa nan ké m.
Ou mèt chifonnen kè m,
Edem bliye kijan lanmou l
Fè m di tò,
Kijan renmen l fèm koubem
Ou mèt renmen m.

Ilande Vil MÄlÄD’ÄMË